ردت الفنانة الأردنية نداء شرارة على الجدل الذي أحدثه سعر تذكرة حفلها في الأردن، حيث قارن رواد مواقع التواصل بين سعر تذكرتها وتذكرة الفنان وائل كفوري.
وشاركت شرارة عبر "إنستغرام" صورة لخبر يحمل عنوان: "تذكرة حفل وائل كفوري في الأردن 450 دينار.. والأردنية نداء شرارة 15 دينار .. من المسؤول؟".
وردت بتعليق أكدت فيه أنها هي المسؤولة عن أسعار حفلاتها، وهي من تفرض سعرًا منخفضا على التذاكر؛ لأنها لا تهدف لكسب المال.
وقالت شرارة: "أنا المسؤولة وأنا اللي بطلب تكون أسعار التيكتات بحفلاتي معقولة عشان كل الناس تقدر تحضر ولو بإمكاني بخلي الحفلات ببلاش .. أنا بنت الاردنيين وهم دعموني وكل إنسان عندو هدف وأنا هدفي ليس المال هدفي أفرحهم وشكرا".
وأضافت شرارة:" حفلاتي بالأردن باستثناء المهرجانات هي من تنظيمي لأني ما بقدر أغني بأي مكان فبعمل حفلات بمسارح مرتبة وبفرض سعر التيكت عشان الناس كلها تقدر تيجي وبربح تيكتات لاللي مش قادرين يدفعوا وجمهوري بيعرف هالشي عني".
وطلبت شرارة من الجمهور عدم الاعتقاد بأن الفنانين الأردنيين مظلومين؛ لأن أسعار التذاكر متعلقة بمنظمي الحفلات، رافضة فكرة إطلاق صفة مظلوم على الفنان الأردني لأن قيمة حضور حفله خارج الأردن مرتفعة.
هل ترغب بالتعليق على الموضوع؟
لا تتردد في إعطاء تعليقك ومشاركة رأيك